Заедно со градоначалникот на Општина Ново Село, Ѓорѓе Божинов, денес официјално ја отворивме новата подрачна канцеларија на Агенцијата за катастар на недвижности – уште еден значаен и конкретен чекор кон унапредување на достапноста и квалитетот на услугите за граѓаните.

Со отворањето на оваа канцеларија, повеќе од 10.000 жители на Општина Ново Село и околните населени места од денес ќе можат побрзо и поедноставно да ги остварат своите права, без потреба од патување до Струмица.

Агенцијата за катастар на недвижности продолжува со заложбите за доближување на услугите до граѓаните и правните лица, преку подобра територијална покриеност, поефикасни постапки и рамномерен регионален развој.