Во периодот од 21.11.2023 до 28.11.2023 година во просториите на Агенцијата за катастар на недвижности се одржа циклус на еднодневни обуки за валидација на теренско прибраните податоци за улици и куќни броеви. Претставникот на ангажираниот економски оператор за одржување на апликацијата за Графички регистар на улици и куќни броеви, детално ја објасни постапката за практична работа.

На обуките присуствуваа вкупно 54 вработени од 29 општини: Струга, Дебрца, Кичево, Битола, Могила, Новаци, Ресен, Демир Хисар, Прилеп, Долнени, Кривогаштани, Свети Николе, Делчево, Сопиште, Студеничани, Зелениково, Илинден, Петровец, Арачиново, Гевгелија, Демир Капија, Зрновци, Чешиново – Облешево, Карбинци, Струмица, Ново Село, Босилево, Василево и Конче.

До сега ваква обука имаа 66 општини со вкупно 137 претставници.

Агенцијата за катастар на недвижности, го воспоставува и ќе управува со Графичкиот регистар за улици куќни броеви, како дел од Адресниот регистар на Република Северна Македонија. Се воспоставува врз основа на теренски прибраните податоци.