Денеска, на 22 јануари, во посета на Агенцијата за катастар на недвижности на Република Македонија беше делегација од Агенцијата за катастар на Косово, предводена од директорот Авни Ахмети.

По воведот и поздравниот говор на директорот на АКН, Борис Тунџев, од македонска страна беше презентиран проектот за гравиметрија, а потоа беа презентирани и состојбите со „Макпос“ и „Мактранс“ во Македонија.

После плодната дискусија беше разговарано и за остварување на соработка меѓу двете институции и следните чекори што ќе бидат преземени од страна на Агенцијата за катастар на недвижности на Република Македонија и од Агенцијата за катастар на Косово.