Linja telefonike falas (info-linja): Linja telefonike falas në Agjencinë e kadastrës së pasurisë së patundshme (AKPP) funksionon nga mesi i vitit 2006.Thirrja e parë në këtë linjë u realizua më 11.07.2006. Në janar të vitit 2007 linja telefonike u zgjerua me opcione të kërkimit 1 dhe 2. Opcioni 1 thirret për të paraqitur vërejtje apo ankesë për sjellje jokorrekte të të punësuarve, mitë dhe korrupsion, derisa opcioni 2 thirret për të marrë informacione për statusin e një lënde konkrete.Linja është në dispozicion për çdo ditë pune nga ora 08.30-16.30. 

Info-linja për investime të huaja dhe kompani vendore biznesi: Kjo linjë telefonike funksionon nga 16.02.2007 si linjë për investime të huaja. Nga 19.11.2007, linja telefonike krahas destinimit të investimeve të huaja është zgjeruar edhe në info linjë për kompanitë vendore biznesi. Pyetjet më shpesh të parashtruara janë pyetjet për ndryshim të pronësisë, kopje të planit kadastror, regjistrim veças etj. Përgjigje në pyetjet e parashtruara lidhur me gjendjen e lëndës konkrete merret në afat prej 24 orësh. Linja është në dispozicion çdo ditë pune në periudhë kohore nga ora 9.00-12.00.

Info-linja për përkujdesje të shfrytëzuesve: Kjo linjë telefonike funksionon nga 3.01.2008. Është e destinuar për shfrytëzuesit profesional (noterë, advokatë, banka, ekzekutues etj.), si dhe persona fizik, të cilët shfrytëzojnë web shërbimin të qasjes elektronike në fletë pronësinë. Ky numër telefonik është i përmbajtur edhe në kontratën për shfrytëzim të web shërbimit. Linja është në dispozicion çdo ditë pune në periudhë kohore nga ora 8.30-16.30.